वरयाचना
(दररोज झोपण्यापूर्वी म्हणावें)
नमो वेदरूपा अनंता परेशा ।
नमो चक्रपाणी गुणानंत ईशा ।
तुझ्या साक्षिने संपला सर्व योग ।
तुला अर्पिला आजचा सर्व भोग ।।१ ।।
घडो योगनिद्रा तुझ्याची स्मृतीनें ।
अविद्यांधतेच्या तमीं जागृतीनें ।
जिथें लाभतें ज्ञान जें आत्मियाचें ।
जयानें तुटे बंध हो या जिवाचे ।।२।।
शिवानंद स्वानंद निद्रेत लाभो ।
तुझ्या अंगिच्या दिव्य तेजास देखो ।
जळो दुष्ट संकल्प अंतर्मनीचे ।
वसे नित्य जे लिंग देहीं स्थुलाचे ।। ३ ।।
नेई करीं धरुनी या भवधीमधोन ।
देई तुझे पदसुखा स्वकीया म्हणोन ।
जैसा किं भृंग रमला कमलांतरांत ।
तैसाच स्वात्मस्वरूपीं रमूं दे नितांत ।।४ ।।
दे धैर्य, ज्ञान, विरु दे मनकामना ही ।
देई प्रभो अभय नी हरि वासना ही ।
हो सत्यकाम व्रतभंग न हो कदापि ।
आता असा वरद दे हरि या जिवाला ।।५ ।।
श्रीकृष्ण कृष्ण भजरे भज अंतरांत ।
घे स्वात्मसौख्यरसधीमधीं गोड निद्रा ।। ६ ।।
आकाश तेज रविचंद्र अनंत तारे ।
पाहोनि जा पुढती जा जयीं दृश्य नासें ।। ७ ।।
उद्याचे विश्वमांगल्य तव रूपांत पाहुं दे । भरोनि वाहुं दे प्रेम सेवितां विश्व हे प्रभो ।।८ ।।
स्वभावें कर्मसंयोग निरपेक्षपणे घडो । त्याग निष्काम निवृत्ती नैष्करम्यापरि लाभू दे ।।९ ।।
शेवटी इंद्रियें सारी मनबुद्धि पदांबुजीं । ठेवुनी मागतो आज्ञा भवबंधास तोडण्या ।।१० ।।
ॐ शान्तिः शान्तिः शान्तिः